Ningali najiuliza kuhusu suala hili.Majibu ninayoyapata na kujaribu kuyafikiria mimi mwenyewe bado hayaniridhishi.Hivi ni kwanini ukimwi unatumaliza zaidi waafrika wakati ufedhuli,uhuni,ufisadi na uchafu wa kila aina unafanyika zaidi huku nchi za magharibi?Mbona wao hawafi kama sisi?
Najua wengi tunapumbazwa na kisingizio cha umasikini.Uongo.Umasikini umeshamiri dunia nzima,hata hapa magharibi.New Orleans mliyoiona ipo hapa hapa Magharibi. Umasikini wa hali ya juu kabisa ule.Huku ndio nyumbani kwa umalaya.Ukitaka mwanamke au mwanaume wa kulala naye unaangalia kwenye kitabu cha orodha za simu rasmi kabisa,pana kona yao.Wanaita "escort".Huku ndio nyumbani kwa madanguro ya kila aina,kuna kona zinaitwa za kuchua(massage) .Kinachofanyika huko ni zaidi ya massage.Usenge umehalalishwa na kutambuliwa kisheria.Talaka zimeshamiri huku na sababu inayoongoza ni ukosefu wa uaminifu,uhuni na umalaya.Usije ukaniambia kwamba wao wanatumia sana kondomu.Siamini kwa sababu matumizi ya kondomu yanahubiriwa zaidi huko Afrika,sio huku.Huku suala la kondomu ni kama haliwahusu vile.

Msukumo wa shughuli zote hizi ni umasikini na ukosefu wa ajira.Sitaki kuongelea tamaa za mwili kwa sababu hilo ni suala la binadamu wote.Kwa hiyo suala la umasikini ni la dunia nzima.Nimewahi kuwaambia kwamba huku pia kuna ombaomba wa kila aina.Usishangae.
Naendelea kujiuliza,sasa kama uchafu wa kila aina una makazi rasmi huku kwanini moto uwakie Afrika zaidi? Kuna mkono wa mtu? Kuna ajenda ya siri jamani? Kondomu zinazoletwa huko ni thabiti kweli? Hivi mnakumbuka wakoloni walikuja kutafuta nini barani Afrika enzi hizo?Sote tunajua kwamba hawakuondoka kwa kupenda. Leo hii tukimalizika kwa ukimwi ,hawatotaka kurudi bila vipingamizi vingi? Si unaona wanavyotaka kwa udi na uvumba kurudi? Ubinafsishaji na utandawazi ndio mbinu yao hivi sasa.
Majuzi nilihudhuria kikao cha masuala haya haya.Jamaa akatupa lawama kwenye mila na tamaduni zetu.Ndoa za mke zaidi ya mmoja.Nikamuuliza kama mume mmoja ana wake wanne na wote hawatoki nje ya ndoa hiyo,ukimwi utaingilia wapi?Kizunguzungu.