Barua hii ni nzuri iliyojaa mantiki. Kama alivyosema Ahmadinajad kwamba yeye kikazi ni mwalimu - katumia utaalamu wake.(kama sio utaalamu wa waandishi wake wa hotuba)

Nadhani Ahmadinajad kaiandika hii barua akijua wazi walengwa wake ni umma kama sisi - na ndio maana imetufikia kwa haraka.

Kadhalika inasemekana kuwa kichaka ana ugonjwa unaomzuwia kusoma au kuelewa mambo kwa haraka.

Vile vile barua hii nadhani imeandikwa kuwatayarisha wanamgambo ikiwa irani itashambuliwa. Pia imeandikwa ili kumuweka Ahmadinajad katika vitabu vya historia kama mwanadiplomasia wa kimataifa - siyo wengi wanaoandika kwa viongozi wenzao kama binaadamu wawili wanaotaka maelewano.

Jambo la kuhusisha udini na jina la Yesu kwenye ugomvi huu nadhani ni karata mojawapo ya mizungu ili ajiweke vizuri kwenye mchezo na kujipa wajihi mzuri kwa walio wengi.

Tusisahau wote hawa wanatumia dini kama mwongozo wa kutawala - na wangekuwa ni wao pekee wanaotawala dunia nzima, wote wasioamini kama wao wasingekuwa na haki yoyote ya "kibinaadamu".

Wanachogombania ni nguvu za kibeberu kwa upande wa marekani na nguvu za kujihami kwa upande wa Irani. Mengine yote hayaleti maana. Na Irani ana haki ya kufanya uchunguzi wa "nookelaar" kama wengine wanafanya - Brazil imefungua mitambo hivi majuzi tu bila tatizo wala kelel kutoka kwa yeyote.

Kwamba kichaka anataka kuzuia nguvu za "nookelaar" za iran ili asiangamize Uyahudi sielewi hili - kama Irani akidondosha bomu Jerusalem si ataangamiza maeneo matakatifu ya Waislamu? Si ataangamiza wapalestina anaotaka kuwasaidia na kuwanywesha mionzi Jordan na Misri?

Kama kuna la msingi hapa ni kwamba irani inasimama kupigania haki ya kujiunga na klabu ya wenye nguvu za maangamizi.