Tulipokutana tarehe 18 mwezi uliopita na kuweka historia mpya katika ulimwengu wa blog za kitanzania, mojawapo ya yaliyokubaliwa na kupitishwa na wajumbe karibuni wote kama sio wote kabisa ilikuwa ni suala la nidhamu katika lugha na maandishi tunayoyatumia,utafiti makini wa kile tunachoandika , kutunza heshima na utu wa binadamu wenzetu (wale tunaoandika habari juu yao) na matumizi muafaka wa kazi za watu wengine yakiwemo maandishi,video, picha nk.
Masuala hayo hapo juu na mengineyo mengi yamekuwa yakiongelewa mara kwa mara kuhusiana na tekinolojia hizi za kisasa zinazoruhusu uandishi wa raia ambao unasemekana kuwa wenye uhuru kuliko ambavyo imeshawahi kutokea.Masuala ya sheria, haki za binadamu, muelekeo wa tekinolojia hizi, matumizi yake kama vimulika vya jamii,faida na hasara za blogs huwa ni ajenda zisizoonekana kuwa na mpaka.Mijadala mbalimbali bado inaendelea.
Hivi karibuni nimejaribu kufanya uchunguzi kidogo tu kuona nini kimeshatokea baina ya kile ninachoweza kukiita mapambano baina ya mkono wa sheria na blogs. Kesi moja ambayo imeanza kuvutia wengi huku Marekani ya Kaskazini ni hii hapa inayohusu matumizi ya picha zilizopigwa na watu wengine bila kutaja wazi chanzo(source) chake. Zaidi ya kesi hiyo maswali kama haya hapa chini ni muhimu kuyazingatia kama wewe ni mwanablog na mkereketwa wa uhuru huu wa upashanaji habari nk.
Je unaweza shitakiwa kwa maoni ambayo wasomaji wako wameacha kwenye blog yako? Soma kesi hii.
Je ukiweka kiungo cha; kwa mfano video ya matusi unaweza shitakiwa? Soma hapa pia
Je nini kinaweza kutokea endapo wanafunzi wataacha maoni ya aina fulani kwenye blog na wakuu wao wa shule wakayapitia? Unadhani jambo kama hili hapa ni sawa?
Tuwe makini.
Sunday, December 17, 2006
MWANABLOG,UNAWEZA KUSHITAKIWA?
Muandishi: Jeff Msangi |Tarehe: 7:17 PM
| Permalink |
| Permalink |
Maoni: 6
-
Tarehe: 8:39:00 AM, Mtoa Maoni:-
Egidio Ndabagoye -
Tarehe: 2:02:00 AM, Mtoa Maoni:-
John Mwaipopo -
Tarehe: 9:41:00 AM, Mtoa Maoni:-
Christian Bwaya -
Tarehe: 5:39:00 PM, Mtoa Maoni:-
MICHUZI BLOG -
Tarehe: 6:05:00 AM, Mtoa Maoni:-
-
Tarehe: 7:37:00 PM, Mtoa Maoni:-
Simon Kitururu
Ahsante jeff,
Haya mabo ni moja yaliyozungumzia katika mkutano wa GV.Mwanblogu wa wa iraq Salam na Preetam waliongeeea swala hili kuhusu kublogu bila kutumia jina halisi.Alisema kuwa kuna wanablogu katika nchi fulani hasa zenye matatizo ya kisiasa hawaitaji kujulikana majina yao wanapokwa wakiblogu,pamoja na kwamba kuna teknolojia mabayo ainweza kukufichua wewe ni nani na upo wapi.
Ndesanjo hapa naomab utufanunulie masuala ya kisheria katika huu uandishi wa kiraia