Kwanza kabisa najua mjadalaa huu ni wa kimabo kidogo, karibia miezi miwili sasa. Lakini kama tulivyoongea karibuni kaka Jeff, miezi ya kati hapa bwana shule ilikuwa imebana mno nikapitwa hata na mambo mengi ya maana katika tovuti yakoo hii na nyinginezo nyingi.
Bila kupoteza muda zaidi ngoja nirudi katika maada husika, yaani uraia wa nchi mbili.
Kwanza kabisa ningependa kusema kuwa mie binafsi ninaunga mkono kuwepo kwa sheria itakayoruhusu raia wa Tanzania kuwa raia wa nchi mbili. Kabla sijatoa hoja zangu binafsi zinazokubaliana na maada hii, ninegependa kugusia masuala mawili matatu yaliyoongelewa na wenzangu mwanzo amabyo nayaunga mkono kwa asilimia 200.
La kwanza ni la ndugu yangu Simon Kitururu aliyesema kuwa wanaopinga hoja hii kwa madai kuwa itawafaidisha watu fulani ni ubinafsi usio na maana. Nimeipenda sana hoja hii na ningependa kuonegezea kusema:
Ni kweli kuwa kuna hatari ya baadhi ya watu hususani wale wasio raia wa Tanzania kutaka kutumia fursa hii kuchumia Bongo na kuwekeza nje.
Lakini hatuwezi kuepuka kupitisha sheria ambayo pengine itawnufaisha watanzania wote kwa kuhofia kuwa fulani atanufaika zaidi ya mwingine.
Isitoshe tunaweza kuzitunga sheria kwa namna ambavyo wanyemela kama hawa wenye nia ya kutunyonyoa tutaweza kuwakamata maana tutakuwa "janja ya nyani kula indi bichi kwishajua".
Mojawapo ni pendekezo la ndugu zemarcopolo kuwa tunaweza kuwazuia raia wasio wazawa kupata uraia wa nchi nyingine kupitia mgongo wa Tanzania kwa kuchukua uraia wetu kwanz akisha kuomba uraia wa pili wa nchi wanayoipendelea wao. Na tunaweza kufanya hivi kwa kuweka sheria itakayoruhusu raia wale waliopata uraia wa Tanzania kwa kuzaliwa au kurithi tu ndio wanaweza kupata uraia wa nchi nyingine. Hii itasaidia kudhibiti uwezekano wa watu kufanya uraia kama suruali sasa ambayo unabadili kila kukicha, au kila mtindo mpya unapotoka.
Zaidi ya hapo hatuwezi kujibana kwa kuhofia kuwa watu wataihujumu Tanzania na kutorosha mali zetu. Kwani tunaweza kuwa na sheria ambazo zinadhibiti utoroshaji (laundering) wa fedha kwa kusema kuwa kilichochumwa Tanzania kitalipiwa kodi Tanzania na kitaiendeleza Tanzania angalau kwa silima fulani. Kwani hata katika nchi zenye uhusiano wa karibu kama Kanada na Marekani huwezi kuhamisha mali tu jinsi unavyojisikia eti kwa kuwa una uraia wa nchi zote mbili. Vinginevyo uzani (balance) wa matumizi katika nchi kadhaa ungekuwa mashakani kutokana na wananchi wake kuruhusiwa kuwa na uraia wa mchi mbili.
La tatu ambalo ningependa kuligusia kwa kifupi tu maana limeshatajwa sana na liko wazi kabisa ni kuwa: UZALENDO WA MTU HAUPIMWI KWA KARATASI!!
Na mwiso kabisa ningependa kuongezea sababu yangu binafsi ambayo najua imeshagusiwa kidogo kwa namna 1 au nyingine na waliotangulia, lakini inanigusa binafsi na napende kutilia msisitizo zaidi.
Hili ni suala la wataalamu mbali mbalia mbao wamepata bahati kusoma au kufanya kazi nje. Nikiwa binafsi niko masomoni ughaibuni, nimeshamaliza shahada ya kwanza na natafuta ya pili sasa; nashuhudia vijana wengi wanaotoka nchi masikini kama zetu ambazo haziruhusu uraia wa nchi mbili wanavyojikuta wakibanwa katika kona pindi wamalizapo mafunzo yao.
Mara kadhaa unakta mtu unapomaliza masomo unabahatika kupata nafasi fupi ya mafunzo ya kazi, na inakuwa nafasi amabayo una uwezo wa kupata mkataba wa muda mrefu zaidi (pengine mwaka, au miaka michache ya nyongeza) kwa maslahi amabayo unatamani kwa kweli uendelee kidogo kujibanza huku ili uzikusanye anagalau ukitua Bongo uweke kibanda chako na we uswahilini.
Tatizo linakuja nchi za huku zitataka kukubana kuwa ili uongeze mkataba wako lazima uombe vibali 100 kidogo. Na makodi kibao juu yake ukiwa sio raia. Ama sivyo, ukitaka kujirahisishia mambo basi uchukue uraia. Sasa unapiga mahesabu ukiangalia kweli kazi ina manufaa kifedha na pia kielimu na kibinafsi. Unawez kukuta unafanya kazi ambayo Bongo huwezi kupewa majukumu yafananayo na haya ambayo yanakufaidisha kitaaluma.
Hivyo kujiondolea adha ya kuomba maviza na vibali na kukatwa kodi lukuki, wenye roho nyepesi wanaona liwalo na liwe bwana. Wacha nichukue zangu tu uraia wa huku maana wanaithamini kazi yangu pengine zaidi ya Bongo.
Hivyo basi tukiwa na uraia wa nchi mbili, tutazuia kumpoteza mtaalamu kama huyu 1 kwa 1 kwa kumpa nafasi kurudi Bongo kwa wakati wake kuwekeza pale anaporidhika na yale aliyoyapata katika nchi nyingine.
Na hivyo Tanzania itafaidika kwa kiasi fulani na uwepo wake badala ya kumpoteza kabisa kwa nchi nyingine.
Hayo ni machache niliyokuwa nayo; mtaniwia radhi kwa maelezo marefu mno. Lakini suala hili kwa kweli limekuwa likinikuna kwa siku nyingi na nimefurahi nimepata sehemu ya kupunguza "hasira" zangu kidogo heheh.
Mimi sioni ni kwasababu gani tusiruhusiwe kuwa na pasipoti mbili.Siamini kuwa kwakuwa na pasipoti mbili Utaifa unapungua.Kwanza kwa Mtanzania Unaunganishwa na Taifa lako kinamna nyingi sana.Ndugu zako asilimia kubwa wako na watakuwa Bongo.Kuna ukweli sio watu wote watakaotaka kuwa na Pasioti mbili.Si lazima kila mtu atake pasipoti zaidi ya moja.Lakini kusema kwamba Wachache watanufaika ni sawa na kusema kuwa kama si wewe basi mwingine asipate.Hii kwangu ni kama ubinafsi usio faa.Kuhusu kuwa watu watakuwa wanaiba bongo kwenda kuwekeza nje, watu wanafanya hivyo leo hii.Na kama mazingira ya Bongo yatakuwa yanalipa kiuwekezaji kwanini isiwe kuwa watu watakuja kuwekeza Bongo?Ukweli ni kwamba asilimia kubwa ya Watanzania haiguswi bado na jambo hili, kwasababau wanaishi ndani ya Tanzania na hawajawahi kutoka nje ya Taifa.Lakini kuna kundi la wasomi ambao ni wamanufaa kwa maendeleo ya Tanzania ambao wako nje, ingawa watu watasema ni wachache ila Mchango wao unahitajika sana na wangeweza kutoa mchango wao kirahisi zaidi ingawapo wangeweza kuishi, kufanyakazi na kusafiri katika nchi zaidi ya moja.Hii haina maana kuwa utanzania unawatoka.