jeff

shukurani kwa mawazo yako. mwalimu. mara nyingi napomfikiria baba haambiliki humuweka juu hata zaidi ya mandela kwa sana tu. (kumzungumzia mwalimu kijuu juu si rahisi. hasa kwa wenye busara na wanaoelewa na kutazama dunia ya leo kwa mtazamo wa marefu na mapana zaidi ya mipaka ya bongo au afrika mashariki au bara la afrika tu.) nasema au kumtaja au kumfananisha na modibo kwa sababu katika viongozi wa afrika huyu mzee ushujaa wake na sifa zake ndiyo zimetanda zaidi, lakini ni wa kihollywood (kwa maana ya kwamba wamarekani, waingereza na wazungu wengine ndiyo walioujenga ubingwa wake kwa kutumia vyombo kama vile tv magazeti na kadhalika kama hizo - bila kusahau waafrika wengi tu waliojitoa muhanga).

tofauti ni kwamba mwalimu sifa zake ni za vitendo, huku akipigwa vita sana, nje na ndani ya nchi. kuna mmoja wetu anayeweza kumtaja kiongozi wa kiafrika mwenye sifa kama za huyu mzee marehemu (zaidi ya nkurumah, sankara na akina sobukwe, biko na huyo mandela, sidhani)? nikisema sifa nina maana sifa anazopewa na viongozi wenzake kwenye majukwaa ya kisiasa ulimwenguni. kwa mfano hotuba na mawazo yake yametafsiriwa kwa lugha tofauti na kuandikwa kama vitabu na yanafundishwa vyuo vikuu vilivyotapakaa ulimwenguni.

kikwete na wakapa wengine hao hata kujulikana hawajulikani, achilia mbali kutajwa sehemu zinazoeleweka. hakuna, na sidhani kama hata mmoja wao aliyeishatoa mawazo au kuzungumzia kitu ambacho kimeonekana ni original kwenye ulingo wa kisiasa na ubunifu wenye manufaa, wenye kuleta msisimko au kuendeleza jamii ya kilimwengu – k.m. senghor na falsafa ya negritude - uafrika.

ni kweli kabisa, na hapa humuweka mwalimu na kina malcom x (au alhaj malik shabaaz), mtu ambaye alijikuta akiimba sifa kwa watu wengine na kuhubiri mambo ya chuki, ambayo yalikubaliwa na wengi, lakini badala ya kuendelea kupiga mbiu ambayo ilikuwa ikisambaza makosa na kisirani, alikiri na kukubali kuwa alifanya mambo fulani kimakosa. hata kama alichelewa, ukweli unabaki kwamba alikiri na kukubali kuwa alikosea. si kitu rahisi. inataka mwanaume au shujaa haswa, awe mwanaume au mwanamke. viongozi wangapi wameona bora kwenda vitani na kuuwa maelfu, kama si mamilioni, ya watu kuliko kukiri makosa na kujitia kasoro.

muhimu zaidi, undugu na umoja; kuwasisitizia wabongo juu ya lugha ya kuwaunganisha; jitihada zake kumfanya kila mtu angalau ajue kusoma na kuandika; kupunguza uhasama tokana na matabaka, udini, nk, ni baadhi tu ya vitu ambavyo malimu alicheza kama pele kwa manufaa ya wabongo wote.

Tatizo: hata uwe mtu mbunifu na mwelevu vipi, iwapo itabidi kufanya kazi na watu wengine, au kwa kushihirikiana, wakikuachia ubebe kapu peke yako, hata kwa madawa huwezi kufaulu. pengine hao hao unaotakiwa kufanya nao kazi ndiyo wanaokuangusha kwa sababu zao binafsi. nkrumah yalimkuta, na sankara pia. na wote hawa ukiwaangalia utaona ni viongozi waliokuwa na mtazamo wa mapana na marefu, ukifananisha na kiongozi wa wastani afrika (ammbao wengi wanataka tu kujaza njuluku mifukoni mwao na kujiwekea sifa, au tuseme, kwa kifupi, wezi tu, fikiria . . . mobutu). waliangalia matatizo ya nchi zao kama matatizo ya afrika na kuelewa kuwa matatizo yanayowakabili waburkinabe, waghana, amaazania nk, ndiyo yale yale yanayowakabili wabongo, wakenya na wengineo.

Wakapa na wenzao ni wapambe tu ambao, kama kunguni au fisi, wanangoja simba awinde na kuua wao wale mzoga aliobakisha. hebu fikiria, kama ni kweli, raisi wa nchi kwenda nunu ndege wakati hospitali dawa hakuna. huduma zinapatikana kwa wenye hela tu. kweli hawa ni viongozi wakuwasifu? kama unakula nao meza mojabasi kuwasifu ni wajibu. au kama unamakusudio ya kuja kuwa kama wao, kwani wao ndiyo mfano wa pale unapotaka kufikia. vinginveyo utawaona kama vile wanaiyoyomeza nchi kwa sababu ya ubinafsi wao. wanaweka mbele zaidi utandawizi, ambao haujakusudia kumnufaisha mlalahoi kamwe. kwa maneno mengine wakiokuja baada ya mchonga meno waliuuza kisiwa kabla hata hajafa. swali,: hivi sasa wabongo wana uhuru kiasi gani ukifananisha na enzi za kaizari? demokrasia ni ya vitendo au maneno tu kwa nza kabisa watu wanajua maana ya demokrasia? kichaka ambaye anachukuliwa kuwa ndo mfano wa siasa hii ya kidemokrasia ameshindwa vibaya sana kuongoza kwa mfano. ndiyo wataweza hao vikwete, wenye tama kuliko fisi?

kweli baadhi yetu tutamkumbuka baba. kwa sababu nzuri na kwa sababu potofu. Nina bahati sana kuwa makuzi yangu yalikuwa ya enzi zake. ni kweli kabisa. Mwalimi alikuwa binadamu kama wengine, na hatuwezi kumsifu tu bila kukukubali kuwa alifanya makosa, kulikuwa na mengi sana ambayo sikuyapenda, na kuona kuwa tulikuwa tumebanwa. lakini baada ya kubahatika kuzunguka zunguka hapa na pale, nimeijukuta niko mbele ya wengi sana kimawazo na kimtazamo na elimu ya fikra, kifalsafa na moyo wa kibinadamu. nimeelewa maana ya kuchangia umaskini na tofauti ya ubinafsi na jumuiya.

mwalimu alikuwa mwalimu kweli.